حيرة مشاعر

ليش حبيبتي ؟
ليش تبيني أبتعد من حياتج ؟
و الله صج في إنسان ثاني ؟
إنزين لو أنا غلطت ممكن تقولين لي شنو هالغلط الكبير يلي سويته ؟
والله وا لله حيرتيني و الله و الله جرحتيني والله و الله أشتقتلج ..
رغم اسلوبج و رغم كل يلي قلتيه ..
يا بعد عمري و الله احبج أحبج أحبج و اكبر إثبات على كلامي اني قاعد احاول انسااااج ..
قلتي لي ابتعد و انا حاضر راح ابتعد ، تامرين أمر ..
و أتمنى تكونين قد هالكلمة لأن ان شفتج بمكان ما راح اقول راح اطلع منه بس راح أتجاهلج مثل ما أتجاهل اي بنت ..
و إن حاولتي تتصلين علي ترى غيرت الأرقام
و إذا يت على الإيميل احلى بلوك و دليت ..
إنشاء الله تكونين مستانسة .. لأني انا بعد مستانس

و على كلمات الإغنية " أبي أقسى أبي أنسى حرام تكون صادق في زمن كاذب مع نفسه
أتمنى يكون من بين أيام الوهم يلي عشتها وياج يوم او اثنين اعجبج ،
وياليت الذكرى لي رجعتج لأيامي تكون على الخير و الوفى

ذكراج في حياتي تغلغلت في كل لحظاتها
غرفتي و التلفون
السيارة و الطريج
الهوا
الشمس و الغروب
الضحك و السكوت
الزعل و كل الظروف
انا ما كنت أفهم كلمات اغنية "الأماكن" إلا يوم رحلتي
كل مكان في الكويت يذكرني .. كل شي اسويه يذكرني فيج
لكن ... لأنج اخترتي الحل الصعب
و يوم طلبتي الفراق لقيته ..
لازم أتحمله

يازين نعمة النسيان في هالمواقف ،
ودي أقوم مرة من النوم و الاقي اني فتحت صفحة يديدة في حياتي
إني عديت مرحلة الحزن على الماضي

بس

خلاص

أرجوك

يا نعمة النسيان

تريحني

كل يوم أصحى أتذكرها
و حتى في حلمي ألقاها


خلاص بس بس بس


احترت مابين حبي و صدج
احترت مابين الحقيقة الخيال
احترت مابين أبيج و ما أبيج
و احترت مابين انسى و لا اخليج في الذاكرة

قالي واحد مرة على قناعة
خل الايام تمشي و ربك إن كان كاتب فيه الخير
راح ترجع لك و إن كان في هالشي الشر
راح يبعدها عنك

و اعتقد إن راح أخلي
الزمن يلعب لعبته

و المقولة تقول
"كل شي مع الوقت يموت

===========================================

هذا لاهو لا خاطرة ولا شعر و لا نثر .. هذا كلام بدون تفكير .. إحساس مترجم بكلمات لا أكثر و لا أقل :)